Familie

Da bi mir d'Schuel ersch am 8. September afangt, han ich ez na chli de Zit zum an PC ga und was schriebe:) Damit ihr wüssid, wie ich chli wohne, schrieb ich chli was über d'Familie:) Wie scho gseit, sind si rechti Bonze. Jedes Möbelstück passt zäme und gseht antik us. Zu jedem Zimmer (mit Fernseh) ghört es Badzimmer. Mini Mueter isch Buechhalterin und ihres Gschäft befindet sich im 1. Stock vo unserem Hus. Aber ja hehe wie ihri Arbetszite sind hani nani usegfunde, die gits nämli glaub gar ned^^ Denn zwüschedure chunt si mich eifach ga frage ob ich mit ihre well ga ichaufe oder dä lauft si chli im Hus ume;) Aber si isch en uh liebi und si passt mega uf mich uf - wird mit de Zit wahrschinli chli z'viel. Hehe si hät au gseit, wenn en Typ was seit wo mir ned passt sell ich ihm cabrón säge (was eigentli uf Dütsch korrekt Saukerl bedütet, aber da als schlimmers Wort betrachtet wird). Si bemüht sich dütlich und ned allzu schnell z'rede. Und si nennt mich immer mini hija (mini Tochter), mega süess:) Au mini chli Schwö hät mir scho am erste Tag gseit, te quiero (ha di uh mega fescht gern). Si umarmt mich ständig und git mir Küssli und wet mit mir Film luege:) Mängmal isches chli z'viel, aber isch mega herzig und lieber so, als dass mer uns ned chönted usstah. Uf mim Brief vo YFU isch nüt vome Gastvater gstande, aber mini Gastmom hät en Fründ und dä isch praktisch immer da. Er isch au mega lieb, aber er verlürt schnell mal d'Geduld und dä weiss mer ned, ob er ez was bös meint. Hehe und natürli gits na tuusig Schwöschtere vo ihm. Di eint isch 22i. Mit ihre hani scho chli gred und si isch eigetnli ganz en liebi. Si hät au es Auto und isch mich geschter ga abhole zum es Käfeli trinke - voll lieb:) Aber si isch chli tussig (wie recht viel Fraue da, natürli eifach die wo Geld händ) und si hät nu Auge für Disco, Männer und d'Uni^^ Si und ihri Schwöschter händ mich scho welle ilade zum am Weekend i sone Stadt ide Nächi vo de Küste z'ga. Zum voll Party mache und so. Aber jaa zum Glück hät mini Gastmom dä gseit, dass mir das Weekend uf Guayaquil gönd.
Ja und was ez halt na chli blöd isch, isch dass ich mich halt nani so guet uskenne ide Stadt. Und dän isches eher weniger gschied en Bus z'näh, wil mer sich liecht verirrt. Mit em Velo chunt mer da gar ned wit - bi dem Fahrstil wo die da händ^^ und z'Fuess isch s'Zentrum z'wit weg. Aber ich denk, weni dä mal ade Schuel bi und Kollege ha wo chönd Autofahre, dä chunt das tip top:) Ein Ahaltspunkt hätti, mir wohnet praktisch grad hinter em Flughafe. Aber defür tönts jedesmal wie wän en Flüger über unserem Dach wür abstürze wenn eis verbiflügt^^