26.08.08

Soo:) Au wenn ersch es paar Täg verbi sind, chunts mir vor, wie wenn de Abschied scho en Ewigkeit her wer… Merci nomal allne, wo mit mir an Flughafe cho sindJ Ja und nacher isches losgange… Vo Züri uf Madrid hämer ungefähr 2h gha… Dä simer vo Madrid uf Quito. 11h im Flugi isch scho chli viel… Di erste 5h sind dementsprechend au langwilig gsi… aber nacher sind all chli im Flüger umegloffe und mir händ na tuusig anderi Ustuschschüeler vo afs und rotary troffe. In Quito acho simer abgholt worde und zume uh schöne Hotel bracht worde. So mit Pool und so^^ Ja und ded simer dä bis am Mäntig morge bliebe. Volunteers händ mit uns so paar Sessions gmacht. Am Samschtig Abig hämer dä all tanzet, denn mer hät is Bett chöne, wämer hät welle. Es hät uh viel Volunteers gha, wo ide letschte Jahr es Ustuschjahr in Dütschland gmacht händ – so händ recht viel Dütsch chöne und sunsch sicher Englisch. Und eine hät sis Ustuschjahr in Frankrich gmacht gha:D Mit dem hani dä immer chöne Französisch rede^^ Hehe jaa und da die Volunteers vo Ecuador chömid, sinds natürli au na recht hübsch gsi^^ Si händ uns dä au ganz luschtigs Züg verzellt^^ Aso mir händ so Sessions müesse mache, mit was in Ecuador so andersch isch weder bi uns. Zum Bispiel fahrid Büs mit offne Türe und s’WC-Papier laht mer ned s’WC durab, sondern da chunt inen Abfallchübel^^ Ja und ded hät uns dä de David verzellt, dass uns d’Ecuadorianer werdid hübsch finde weg de blone Haar und de helle Hut und dä seit er so: s’wichtigst isch, dass ihr wählet! Nämid jaa ned de erst best!! Just chose! Hehe^^ Aso eigentli hani ja ned vor da en Fründ z'finde, aber merci für d'Information;) Ja und de Christian hät uns au ganz en guete Tip gä:P Er hät gfunde, mir sellid jaaa ned hürate!! Er sig nämli ez scho wider gschiede (und er isch 20i^^). Mir händ ded sogar chöne ga Fuessball spiele und die händ es riese Freudeli gha, dass en Frau (meh oder weniger^^) cha Fuessball spiele:) Phuu und mer hät echt gmerkt, dass Qutio soo höch obe isch... Scho nur wenn mer d'Stäge deruf gloffe isch, isch mer heftig is Schnufe cho;) Natürli häts au sunsch uuuh viel Erläbnis gä, aber da wür soo lang dure, das alles ufzschriebe^^ Ah genau, öpis isch aber doch na erzellenswert^^ Im Flugi hämer na eine troffe wo halb Dütsche und halb Ecuadorianer isch. Dä lebt ez sit über 20 Jahr uf de Galapaos Insle und isch na nie Autogfahre:) Am Mäntig Mittag simer dä trennti Weg gange… Mir wo uf Portoviejo und Cuenca sind, sind gfloge. Ja und dä simer am Flughafe acho und vo unsere Gastfamilie abgholt wordeJ Bi mir häts grad mal voll fett z’ässe gä (öpe so wie ide Ukraine^^). Bi mir fangt d’Schuel am 8. September ah und bis denn werdid mer na chli Städt ga aluege hät mini Gastmum gseit:) Buah das sind riiiiese Bonze!! Mini chli Gastschwö isch erscht 8i und hät ihres eigete Badzimmer, so wie d’Mueter und ich!! Ja und au sunsch isches recht bonzig igrichtet… Ha eu all uh mega fescht gern!!!