macas - cuenca - vilcabamba

soo ez hani mal wieder chli meh vo ecuador gseh:) kelly und ich hend letscht wuche und die wuche dafe schuel schwaenze:D mir hend gfraget ob mir dafid schwaenze zum chli umereise und da mir sowiso nuet mache muend, hends es uns erlaubt. ja ich bin denn uf macas am vorletschte wuchendendi. das isch en stadt im dschungel wo ned so touristisch isch. isch deshalb scho mega cool:) ich han denn en tour buechet wo zu sonere "comunidad de los shuares las tres maria". das sind so iheimischi vo dem ort. aso am morge bini mit me fuehrer und eim vo praktikas mache mues in dschungel usegfahre. denn simer chli gloffe und sind zume chline doerfli cho. d'hueser sind us holz und lehm baut gsi. i de mitti vom doerfli hets en schuel gha. meitli und buebe sind trennt gsi und sunsch sind aber meh oder weniger vo chli bis gross alli im gliche schuelzimemr gsi. bi de type sind all wo ueber 18ni gsi sind, scho verhueratet gsi... und all hend mich agstarrt, wie wenn ich en usserirdischi waer... ded sind ja ned so viel touriste.. es paar chlini sind mir sogar nochegloffe... ja am mittag simer denn zu sonere huette vome iwohner. ded hemer kochet. am namittag simer denn in urwald ga laufe. mir hend wieder mega verschiednigi pflanze gseh. au die verschiedenste fruecht wo mer cha esse... mir sind denn bis zume wasserfall und ded hends mir d'gschicht vom wasserfall verzellt, bevor mir ded sind ga bade:) denn simer wieder zu dem hus zrug und am abe wieder zrug uf macas. ja am zischtig bini denn am morge am 6i vor em pablo sinere hustuer gstande;) kelly und ich hend denn de rescht vo de wuche da verbracht in cuenca. ja und da ich nuet z'tue gha han am morge, wenn de pablo i de uni gsi isch, han ich amig kochet:) denn isch er vo de uni heicho und mir hend zeme gesse und am namittag hemer was zeme gmacht:) hehe bi mir scho vorcho wie verhueratet, da voll d'husfrau;) hehe nei seich:) ja und s'vergangene weekend bini denn uf vilcabamba, dasch so es doerfli en stund meh in richtig suede vo loja us. es isch mega schoen dede. d'doerfli isch ueberhaupt ned gfaherlich und recht touristisch. ich bin ded am samschtig am morge acho und ha mir es hotel gsuecht. denn bini chli im dorfli umespaziert. denn bini eifach mal enere strass entlang gloffe und bin anen fluss cho. ded hani denn de ganz namittag glese und am abe bini wieder zrug und ha crèpes gesse im doerfli:) ich han au na en tour mit pferd organisiert gha fuer de sunntig. ja so bini am sunntig frueh uf und denn mit me fuehrer (dani) 6 stund gritte:) zersch simer so normale wegli entlang und denn simer so id berge. wuah es isch mega deruf gange und es isch gar ned wuerkli en weg gsi, meh ded wo amig s'wasser abechunt wenns regnet. und es isch ueber stock und stei gange - ich haet nie denkt, dass pferd ded dure choemid... und es isch so herrlich gsi ded... kein lut ussert de fluss im tal unde, d'voegel uf em berg und de hufschlag vo de pferd. ufem weg hemer denn na en amerikaner atroffe und wo ich gseit han, dass ich vo de schwiz sig, het er gseit wuah er sig scho i 40 laender gsi und ecuador sig ade spitze, aber nuuuet chiem a d'schwiz ane!! d'natur sig wunderschoen bi uns ide schwiz!!:) ja und denn simer witer in "parque nacional podocarpus". ded hemer ame fluss zmittag gesse und sind chli im wald ga spaziere. denn simer mit de pferd witer anen wasserfall:) und denn simer ime andere tal zrug. wo mer denn wieder uf de chli breitere weg gsi sind, simer de ganz weg zrug galoppiert... wuah dasch so es cools gfuehl:) wo mir denn zrug im dorf gsi sind, hend mir bei chli weh tah vom riebe:) ja und denn bini wieder zrug uf cuenca. und geschter waeri denn am liebschte gar ned zum bett us:P aaaalles het mir weh tah;) hehe aber es ischs wert gsi:) ja und ez bini wieder bim pablo und grad chli am brichtli schriebe waehrend er ide uni isch:)

allgemein

es het ez grad keni grossi reis gae... aber glich paar cooli erlebnis:) z.b. am 23.4. het cuenca geg boca juniors (arg.) gspielt und de pablo und ich sind de match is stadion ga luege. ded hemer en schwizer us hedige und en kanadier troffe. isch voll cool gsi mal wieder chli schwizerduetsch z'rede:) ja und letscht dunschtig (30.4) sind riders on the storm (ueberblibsel vo the doors) nach cuenca cho!!!!! ich han si im januar 07 mal in zueri gseh und es isch soo abgange, da ich d'musig vo de doors voll liebe..! und da isches au hammer gsii!! ich bi mit es paar kollege gange und mir sind voll abgange... de robbie krieger und de ray manzarek hend eis solo nachem andere here gleit und wie sich die 2 zaeme verstoend, dasch eifach nuem normal... s'coolschte a de doors isch, dass si en song niemals glich spielid...! ja aso wie ihr da so gsehnd, bin ich di letschte wuchene wo mir na bliibed voll am gniesse. au hani nume na die wuche schuel und denn het uns d'schuel erlaubt, 2 wuche z'schwaenze zum nomal chli umereise (aber yfu weiss nuet devo...). ja und denn sinds nu na es paar taeg schuel und denn en ganze monet volunteer arbet... ja und ebe au mit de luet, aso es werdid immer meh so richtigi fruende. z.b. geschter het en kolleg es problem gha und denn simer knapp 3h im rege ga spaziere und hend zeme gred... isch scho komisch wie mer so ame andere ort voll es neus lebe ufbaue cha...

foeteli

aso ich ha ez d'foeteli vo de reis ufeglade: http://cid-8a7620d9e7ca3b7d.skydrive.live.com/browse.aspx/reis
viel spass bim aluege:)

Reis: Otavalo - Ibarra - Quito - Latacunga - Riobamba - Banos

J mal wieder zit es gschichtli z'verzelle... also am 3.4. simer mit de familie uf pasaje (ide naechi vo machala). das isch es staedtli wo zur kueschteregion ghoert und somit heiss und ned so schoen isch, da's viel abfall het... mir (teresa, octavio, pedro, pablo, kelly und ich) sind am fritig namittag mit em bus uf mer denn zu verwandte gange, chum hemer s0gepaeck im zimmer verstaut, hets scho zesse gae... wuah ich ha na nie so en berg zesse gseh...! en tonne ris, fleisch und linse. ja natuerli hend kelly und ich denn ned alles moege esse... denn hemer chli use welle und die hend denn gseit mir dafid nume bis am 22.30 use (was 45 minute beduetet het). sind hend gseit, es sig viel zgfaehrlich... so simer denn kurz chli ga spaziere und glae esse und denn wieder hei. diheime hemer karte gspielt und musig glost und sind denn gli ga penne. am naechste tag hets denn gnau gich viel fuer szmorge ge... denn hend kelly, de pablo und ich en bus gna und sind nach machala, da de rest vo de familie irgendwelchi religioesi versammlig gha het... aber das so heiss gsi isch in machala und ned gross was zmache gae ht simer is mall ga meeresfood esse und denn is kino en film ga luege, wils ded so schoen kuehl gsi isch:P da mir ned na meh zit hend welle in pasaje verbringe hemer denn en usred erfunde, demit mir fruener hend choene zrug ga. in cuenca simer denn chli in usgang und am sunntig abe sind kelly und ich denn uf quito mit em bus. ded hemer denn es paar stund ime kafi im terminal verbracht, da mir recht frueh ded gsi sind und uf de erst bus nach otavalo hend muesse warte. in otavalo acho hemer zersch mal es hotel gsuecht und sind denn chli s'dorf ga aluege und vor allem de "mercado de los ponchos". dasch en riesige platz wo alles so typisch handgmachti sache vo ecuador verkauft werdid. kelly und ich hend ded natuerli denn grad grossikauf ah gschenkli gmacht:P am namittag bin ich denn zume wunderschoene wasserfall gange. am nechste tag isch kelly witer uf santo domingo und ich bi na ein tag ded bliebe. aso ich bi denn zu de "laguna de cuicocha". dasch en chline see wo im krater vome vulkan enstande isch und ide mitti vo dem see hets 2 inseli. i dem see hets weder fisch no sunsch irgendwelches lebe, wil de vulkan schwefel usstosst. am abe bini denn na uf ibarra zum chli d'stadt ahluege, bevori wieder zrug zum hotel in otavalo bin, woni namal en nacht gschlafe han. am nechste tag bini denn nach quito gange. ded hani mir denn chli freizit goennt und bi nume d'altstadt ga aluege. am abig hani in quito gschlafe und bin denn i aller fruehi (am 4i) ufgwacht zum de 5i bus nach latacunga verwuetsche. denn ded han ich mich mit em pablo troffe. mir hend denn en tour gfunde wo uf de cotopaxi (en vulkan) isch. so hemer uns mit wanderschueh, haendsche und nere kappe usgrueschtet. zersch het uns de fuehrer es paar indigeni maert zeigt und denn isches uf in "parque nacional del cotopaxi" gange. ded isch puuri natur... zwueschedure hemer en halt muesse mache mit em auto und usstiege, demit sich de koerper ah de raschi hoeheastieg chan agwoehne. uf 4500 m.ue.M. isch denn de parkplatz wo mer s'auto abstelle muen. vo ded us chamer bis uf 4800 wandere, wos es refugio (so was wie en berghuette) git. ded hemer denn was gesse und trunke. de fuehrer het denn gfraget wer na witer ufemoecht und wer abe moecht. die 3 spanier wo mit uns gsi sind, hend denn wieder abe welle, wo de pablo und ich na chli witer ufe hend welle. mir sind denn aber au nuem wuerkli wit cho und hend deshalb na chli fotis gmacht und en schneemah bauet und sind denn au wieder abe. leider hemer chli pech gha mit em wetter, denn es isch bedeckt gsi. normalerwies gseht mer ebe uf d'spitze ufe... denn simer wieder zrug und de pablo und ich hend beschlosse nach banos z'ga. dadefuer mues mer zersch uf ambato und vo ded chamer denn en bus nach banos neh. ja in ambato acho simer nuem witercho, das de dunschtig vorem karfritig gsi isch und da ja all luet so religioes sind... die sind denn naemli vo ambato nach banos pilgeret i dere nacht, wodurch dstrasse natuerli gsperrt gsi sind... aso hemer kurzfristig entschlosse nach riobamba zga. denn ded chamer en bus neh wo uf de berg "la nariz del diablo" gaht. in riobamba acho hemer es hotel gsuecht und sind denn chli in usgang. am morge simer bi zite ufgstande, demit mer de zug au ja verwuetschid. denn hets aber gheisse, dass de zug neuerdings nuem vo riobamba us fahrt sondern vo alausi. aso simer in bus gstiege, um nach alausi zga. kurz bevor de bus aber agfahre isch hemer uns andersch entschiede und beschlosse uf banos zga. also simer wieder uf ambato und denn uf banos. ded acho hemer es hotel gsuecht und hend uns zersch chli usgrueht... denn simer ines schwizer bistrot ga esse - mal entlich wieder guets esse!! ja am namittag hemer denn so toeff mit 4 raeder gmietet und sind zu de brug gfahre, wo d'fla und ich bungi jumping gmacht hend. ded gits en chliner und en groesseri brug. da d'fla und ich letscht mal vo de chlinere gumped sind, hani das mal vo de grosse welle. und sgfuehl isch affegeil;) echt hammer... denn mer mues mit me koepfler abegumpe... de pablo isch denn au vo de grosse brug abegumped und denach simer zum hotel zrug. denn simer chli ga spaziere und unter en wasserfall und ja was ga esse und denn chli in usgang:) am nechste morge hemer usgschlafe und sind denn zrug nach gualaceo:) mal wieder ganz en cooli reis gsi..:) mueses ez ja voll gniesse, wo nuem so viel fehlt... ez sinds ohni die wuche na 6 wuche, denn muemer so en freiwilligi arbet mache und denn choemid scho mini eltere..:) wuensch euch allne na ganz en schoeni zit...

martina

hey martina, merci fuer din kommentar:) leider hani dini addy ned, drum antworti dir kurz ueber de blog. ja min fruend isch ecuatorianer:) ich blieb na bis endi juli daa:)

foeteli

ah ja uebrigens hani mal wieder es paar foetli hochglade...:) d'sach isch ebe dases mega langsam isch und drum chani voll ned viel ufelade... aber die wos intressiert choend denn mal zu mir heicho und denn gits en ecuadorfoti session:D
das waer namal d'addy fuer die wo si wieder vergesse hend: http://cid-8a7620d9e7ca3b7d.profile.live.com/?mkt=es-es&sa=671914041

scho wieder en monet verbiii

jaa aso eigentli weisi gar ned so was schriebe, wil ich ez scho en monet nuem gschriebe han unds soo viel z'verzelle git und ich kei ahnig han, was ich shco verzellt ha und was ned.. aber ja fangid mir mal ah... nach de fasnacht isch nuet meh so grosses gsi... letscht weekend simer am dunschtig abe uf quito und am fritig morge acho. mini familie isch wie gseit recht easy und het uns deshalb am fritig und am mentig lah schuelschwaenze lah... aber yfu het natuerli nuet devo gwuesst:) ja am fritig simer denn chli s'historische zentrum vo quito ga aluege. mir hend es zimmer buechet ide naechi vo de plaza foch wo voll party isch ide nacht:D am abe simer denn ga party mache und am sunntig het de pablo frueh muesse ufstah. denn eigentli simer uf quito wil de pablo i sonere organisation isch wo aiesec heisst. si hend denn so meetings gha waehrend kelly und ich id stadt sind. jaa mir sind denn ned so wit cho, da mir im trole usgraubt worde sind... mir isch s'natel klaut worde und de kelly saemtlichi dokument und d'kreditkarte... isch recht dumm gloffe, wil mir wuessid ja das quito ned soo sicher isch und drum hend mir beid ei hand ufem natel gha und mit de andere hemer uns ade stange ghebt. a einere station sind denn voll viel luet inecho und so hani mi mit beidne hend muesse hebe und scho is s'natel weg gsi. ich han denn de kelly gseit scheisse mis natel isch klaut worde und si so ja zum glueck han ich mis na. denn simer usgstiege und si so scheisse wart mal, mini kreditkarte, es paar dokument und mis restliche geld isch weg. guet denn hemer mit mine 4 dollar nomal en trole gna und sind zrug zum hostal. denn hemer em pablo agluete und sind de ganz tag i de stadt umegirrt zum en bank finde wo si cha geld uselah ohni kreditkarte, aber da si s'konti ned binere ecuadorianische bank het isch da kei moeglichkeit gsi... ja denn simer am abe zume kolleg ga penne wo ersch grad fruesch nach quito zoge isch. am sunntig simer denn mit sinere tante zu de mitad del mundo gange. isch na recht idruecklich gsi so mit eim bei uf de norhalbkugle und mit em andere uf de suedhalbkugle zstah:D ja und am abe hemer denn en ustuschschueleri troffe wo in st. domingo wohnt aber au gschwind fuer s'weekend uf quito cho isch. si het uns denn chli geld glehnt, demit mir hend choene ime hotel uebernachte. am mentig hemer denn mit em restliche geld en bus vo quito uf latacunga gna und hend vo ded her autostopp gmacht. hehe isch voll luschtig gsi, denn es paar hend uns soo im scheiss uselgah, dass mir denkt hend da fahrt niemals es auto verbii und wenn, denn nimts uns ned mit:D aber isch na recht guet gange. gringas nimmt ebe jede gern mit:D und s'geilscht isch gsi, wo mir ersch oepe d'haelfti vom weg hinter uns gha hend unds afah idunkle het und es isch neblig gsi. denn hemer denkt hoppla was machid mir ez... und denn isch es auto cho und het uns mitgnah. si hend denn gseit, si gaechid id naechi vo cuenca. total sinds denn uf chordeleg, das kaff grad neb gualaceo:D
ja dasch es erlebnisriechs weekend gsi:D
und geschter simer mit de schuel uf hidrpaute. dasch es wasserkraft werk vo 60% vo de gsamte konsumierte energie in ecuador produziert. isch na recht idruecklich gsi so en staudamm umringt vo berge... es sind 4 stund weg gsi ded here... mir sind am morge am 7ni los und denn am 12i acho. denn hemer das alles agluegt und g'esse und sind am 4i wieder heizue, was beduetet dass mir faengs am 8i acho sind... denn bini voll kaputt gsi:)
hmm... wa choenti euch na verzelle... aso mit em pablo laufts mega guet und er benimmt sich soo herzig:) hehe da hani nu na schnell muesse loswerde:)
so denn wuensch ich euch allne mal en schoeni zit:)

carnaval:)

ja aso ez hani scho land nuem in blog gschriebe... isch ebe au immer was los gsi... das wuchenendi isch offiziell carnaval gsi.. aber mer het scho vori ned choene dur d'strass laufe, ohni dass mer nass worde isch... mit ganze chueble voll wasser und wasserballoen hends eim abeknallt und mich natuerli nu na meh wil ich "gringa" bin:P das wuchenendi simer jeeede tag an fluss und denn isch mer pflotschnass gmacht worde und na mit dreck und farb und so spraydose... am endi vom weekend sind mir denn d'kleider usgange;) wil es isch immer alles pflotschnass und dreckig gsi. und wenn mer amig hei gange sind, hemer uns immer drum gstritte wer zersch unter di warm duschi darf:P am abig isch denn immer party agseit gsi und sogar geschter simer ga party mache bis am 4i obwhol mir huet schuel gha hend... phu ez bini halbe krank und toooodmued! aber es ischs wert gsi:D am sunntig hemer denn mit de schwoeschtere au na so en fasnachtswage gmacht und sind tanzend dur d'strasse gfahre;) ich chli peinlich gsi, wil ganz gualaceo uns gseh het und all kollege so, ja du bisch doch uf dem wage gsi:P aber isch voll amuesant gsii!! ja und mit de luet hanis au immer besser.. geschter sind kelly udn ich ga party mache (de pablo het ned usechoene wil er scheiss gmacht gha het:P) und denn hemer mega viel luet kenneglernt und di ganz nacht tanzet und s'isch meega cool gsi:) hehe eine vo unsere lehrer isch 24 und er isch iiimmmer ade gliche party wie mir. denn trinkid mir amig zeme und wuessid nie ob mir sie oder du sellid saege;) und er weiss soo viel ueber europa!! er weiss, dass d'schwiz immer neutral gsi isch, er weiss, dass estland zu russland ghoert het und de sowjetische union und alles!! isch mega cool mit ihm z'rede!!:) ah ja und ide schuel hemer ez immer so es marschiere zuegs guebt wil nechst fritig werdid sich die vo 6. curso graduiere und fuer das muemer so bloed umemarschiere und si muend d'fahne kuesse und sege, ja ich schwoere!! hehe und kelly und ich muend uns eifach vor de fahne verbuege und sege nei ich schwoere ned, aber ich respektier dich!!:P isch chli laecherlich aber naja... ah ja und huet isch unser colegio s'einzige colegio gsi wo schuel gha het, wil mir katholisch sind... mir hend schuel gha und denn simmer id chile und alli hend es schwarzes chruez us chole uf d'stirn gmalt becho. aber da kelly und ich ned glaeubig sind, hend mir uns das ned gmacht. hehe und womer denn wider id schuel gloffe sind fragt mich so eini, was ich denn sig wenn ned katholisch. ich han ihre denn erklaert, dass ich eifach uf papier katholisch sig aber ned an gott glaube. hehe dere sind denn schier d'auge zum kopf usgheit und denn het si so gfragt wie nu uf papier und a was ich denn glaube. denn hani gseit, dass ich scho dra glaube dases en macht ueber uns mensche git, aber dass das ned ein einzige gott mues si womer so klar cha definiere vo wege haarfarb, naseform und alles.. sondern dass fuer mich allgemein ide natur alles en seel het. hehe und denn s'einzig wo si usebracht het isch gsi: und werum hesch denn es lebe? wils gott dir geh het!! hehe ich bin denn so paff gsi, dass ich gar ned gwuesst han was sege... ha ja ned welle sege, dases au eltere git..;)ja wie ihr gsehnd gits da praktisch jede tag was luschtigs z'erlebe:) ja das wers mal wider gsii:)

natur

wuah geschter hani mal wieder gseh wie schoen da d'natur cha si und was fuer en uswirkig das uf uns mensche chan ha... kelly und ich hend uns mit em andres und sim kolleg troffe. wie immer hends welle ga alkohol kaufe und denn simer anen ort oepe 20 minute z'fuess wo diheime wos es alts aquaedukt vo de incas het anegange. ded hends chli trunke und mir hend unseri laender vergliche so vo wege weli sorte vo fleisch gaesse wird und so... nacher simer uf das aquaedukt ufegange und ganz bis as endi gloffe... denn simer wider abe und sind anen chline nebefluss. ich bin scho tusig mal a dene inca muure verbigloffe, aber ich ha nie de chli weg bemerkt wo chli ines gestruep inegaht. dem simmer denn gfolgt und denn chunt mer a sonen chliine bach. es het grad knapp wasser, so dass mer d'form vo de stei drunter na gseht. es gseht us, wie wenn eifach en schleier drueber gleiht worde waer. am rand vom fluss hets so knorrigi baeum gha, wo so ueber de fluss glehnt sind, wie wenns ihn beschuetze moechtid. es isch fasch vollmond gsi und er richtig gluechtet. dur baeum dure isch aber nu echli liecht cho, wo uf de bach gschiine het und so s'wasser silbrig het usgseh lah!! isch so wuerklich di mhystisch stimmig gsi.. kelly het denn mit em kolleg gred und ich mit em andres und mir hend so mega ueber de nietzsche, hesse, oscar wild und all die buecher gred. ha da na niemert atroffe wo so viel liest wie de!!:) ja isch voll de schoen abig gsi und ich ha mal wider gmerkt, wie viel energie eim d'natur chan geh..:)

foeteli vo baños und montañita

aso ded hets natuerli au wider foeteli gae und die sind au ufem andere blog. choend di glich adressi igae wo ich euch witer unde ageh han und denn eifach allgemein uf foeteli drucke und denn de ordner oeffne wo montañita und baños staht:)

d'reis vom 26.1. bis am 30.1.

jaa also entli hani mal wider choene ecuador chli entdecke:) die hend da ide schuele nach jedem halbe jahr pruefige. da kelly und ich ned so viel vo gwuesse faecher verstoend und au lieber hend welle reise, hemer d'schuel gfraget ob mir d'pruefige ned mache muend..:) ja und denn isch d'fla am 24. uf ecuador cho und ich ha mich sooo riesig gfreut:) ja denn hemer ihre zersch chli gualaceo zeigt und sind nacher mir ihre am zischtig ga umereise. mir sind zersch mit em bus vo cuenca uf guayaquil und denn vo ded namal uf montañita, wils uns ded so mega gfallt:) het uh guet ta chli meerluft schnuppere:) eigentli hemer welle z'4.ga: kelly,de juan, d'fla und ich. aber wie ecuadorianer so sind het er gseit ja sicher chumi mit ja voll ja morn am sechsi in cuenca und logischerwies ischer ned ded gsi, aso sind mir 3 chicas gange:) ja eigentli hemer vorgha mittwuch und dunschtig in montañita z'bliebe aber irgendwie hemer denn am mittwuch abig gfunde mir choentid ja scho am dunschtig uf tena (urwald) ga. ja und womer denn am dunschtig ufgwacht sind isch kelly usem zimmer und uf en scherbe gstande, so dass si nuem het choene laufe.. naja und ihres geld isch au scho zimli usgange gsi... aso simer zrug uf guayaquil und vo ded us isch si denn uf cuenca und d'fla und ich hend eigentli welle uf tena ga. am schalter hends uns denn gseit,dases 11 stund uf tena sind und er irgendwie am 3 oder 4i am namitag en bus fahrt. denn waerid mir zmitzt ide nacht acho und hend deshalb beschlosse in baños en halt zmache und d'nacht ded zverbringe.. wil baños isch au recht en touriste ort und voll sicher.. ja und denn simer so vo guayaquil uf riobamba mit em bus und d'landschaft ded isch uh magisch.. es isch eso wie mer sich macchu picchu vorstellt in peru... so mega huegelig und gruen und mer cha kei distanz ischaetze. es haet au so chli wald und zwueschedure knallgrueni plateaus... wuerkli wunderschoen:) unterwegs hemer recht oft muesse warte, wils d'strass am erneuere gsi sind. und womer denn zu dem gebiet us cho sind, isch de buschauffeur en rundi gstresst gsi und isch mega schnell gfahre... es haet denn langsam afah idunkle ud mir sind i huegeligeri gebiet cho... ded isch denn de fahrer immerna voll schnell gfahre und haet i kurve ueberholt wo mer nuuuet gseh het!! d'fla und ich sind z'vorderst ghocket und si het denn vorusegluegt und immer gseit, achtung heb di fescht er ueberholt wider und ich ha uf de site usegluegt und ha gseh, wie mer mengmal sooo knapp am abhang gsi sind... isch en rechti horrorfahrt gsi, und deshalb hemer uns ueberleit shco in riobamba usezga... mir hend denn so es aelters ehepaar hinter uns gfragt wo si anegoend und si hend denn gseit baños und denn hemer denkt ja goemer au bis ded. ded acho sind grad so type cho und hend uns ihres hotel abote. mir hends denn so gmacht, dass d'fla mit de frau ded bliebe isch und de ma und ich sind ga s'hotel aluege. es haet 5 dollar pro nacht koschtet und isch recht hygienisch gsi. si hend denn gseit si gaechid na es anders hotel wo 8 koschtet ga aluege. ja und denn uebergluecklich en sichere ort gfunde z'ha simer ga penne. am nechste morge het uns de bsitzer vom hotel gseit, dases so en touriste rundtour git zum d'wasserfaell aluege und so:) denn hemer denkt ja easy, machid mer doch da en zwueschestopp bevor mer uf tena goend. denn simer mit some buesli umegfahre. hehe und de hotelbsitzer het gseit mir choengid au bungie jumping mache.. ich ha denn denkt dass wer schona voll cool:) d'fla het gseit si wuer mich unterstuetze, aber es sig nuet fuer si.. hehe ja und womer denn ded gsi sind so uf de brugg hemer eifach gseit ja chum scheiss druf, machid mers zeme:) Mmir hend denn tuusig mal gfraget obs sicher isch und ja denn hemer uns eifach d'usrueschtig alege lah und sind uf brug gstande. und denn hends uns gseit mir sellid die uesser hand as seil tue und mit de andere uns umarme.. mir hend denn denkt nei da fuehlt mer sich mega unsicher, aber wer schona geil wenn mer so zweite umarmt gumpet.. ja und denn simer gumpet... wuah und das gfuehl so schwerelos ide luft und eifach id tuefi, es isch so kurz, aber unvergesslich:) und leider au viel z'schnell verbii;) ja denn simer na chli hin und her bambelet und denn hends uns "ifgange" und denn simer witer ga d'natur aluege. am namitag simer denn hei uns ga umzieh nach dere laessige tour und hend es schwizer restaurant gfunde. da mir bis uf d'knoche am fruere gsi sind wil mer pflotschnass gsi sind, simer ded es fondue ga esse:D de bsitzer isch en schwizer us chur wo vor 2 jahr da uf baños isch zum umereise hehe und isch denn ded grad steckebliebe:) ja und denn simer ded na chli go artesanias aluege und abe simer zum hotel zrug zum berate was mer ez machid... da mir chli vercheltet gsi sind und au es unwohls gfuehl gha hend zum uf tena ga hemer beschlosse am samschtig scho wider heizga... ja und denn simer am samschtig hei und hend denkt, dass mir eifach na chli gualaceo gniessed:) wuah und isch mega cool, dass d'fla da isch:) tuet mega guet mal so wider ueber philosophischi sache z'rede... denn d'luet da denkid ned so viel ueber s'lebe nache und lebid eifach... isch mega schoen gsi so ide natur und uns gegesitig wider mit energie ufzlade...:) ah ja und fuer die wo d'fla kennid, si chunt wider zrug id schwiz im april!!:) het nie denkt, dass si vor mir ide schwiz si wird..:)

ja und ez hani na ferie und nechst mentig fangt denn d'schuel wider ah... so und ez gangi mal, wil mir goend ez denn id berge ga picknicke:) schoeni zit na ah alliii:)

nomal foeteli;)

aso ich ha ez d'foeteli i min myspace ta wils da wuerkli ned funktioniert... ha halt ned ueberall en kommentar choene hitue, wils mega viel zit brucht zum bilder hochlade und denn mues mer na jedes einzelne bild oeffne und so... und sind irgendwie au ned so ide richtige reihefolg, aber naja hauptsach mal wider foeteli:) das waeri d'adressi: http://cid-8a7620d9e7ca3b7d.profile.live.com/?sa=756239153 ded muender denn eifach uf fotos und de erst ordner isch de richtig. aso foeteli 1 heisst er. ja und fallses ned funktioniert segids mir bitte, damit ich namal versueche cha...

so s'neuschte...

jaa aso ha mal wider ned so de zit gha zum was in blog z'schriebe... immer isch irgendwie was los... aso mit minere familie bini ez wuerkli mega gluecklich!! am sunntig goemer amig zeme irgendwo hi ga esse, aber es isch so voll ned zwunge und ich gang echt gern. es sind au all voll locker und mega luschtig:) ah ja... und ich han ez en fruend:) bevor ich zu dere familie cho bin, han ich ja staendig was mit de kelly und em pablo gmacht.. ja und denn hend de pablo und ich uns voll guet verstande und so, aber mir hend ned gwuesst ob mir en beziehig wend.. und ja ez isch halt chli komisch wil er min brueder isch, aber mir sind ez zeme:) aber ja unter de wuche wohnt er sowiso in cuenca und chunt amig am weekend uf guala... aber wenn er ned z'viel ufzgi het chunt er amig am zischtig uf guala und kelly und ich goend am mittwuch oder dunschtig amig uf cuenca:)
jaa und ez hemer nu na bis am dunschtig schuel und denn hemer 2 wuche ferie:D di andere vo de klass hend ebe en wuche lang pruefige (isch s'letschte jahr fuer die) und die muend mir ned mache;) am 24. chunt mich denn d'fla fuer knapp 2 wuche ga bsueche und denn goemer mit de kelly und em juan ga umereise:) freu mi scho riiiiesig!!! ez simer ploetzli soo noech:) fruener hemer immer so en grosse zitunterschied gha und ez sinds nu na 2 stunde:)
ah ja und das mit de foeteli klappet wuerkli ned.. mues denn mal luege zum irgendwie en andere blog na irichte... aso wuensch euch na allne en schoeni zit:)

foeteli

aso kei ahnig was los isch aber irgendwie funktioniert da ned zum foeteli da ufelade... ich versuech mal en andere blog z-mache bime andere abieter...

montanita

ich hoffe ihr sind alli guet ueber grutscht und wuensch euch en guete start is neue jahr und nume z-bescht fuer s2009. ich ha silveschter am strand verbbracht:D isch na recht amuesant gsi.. am sunntig hemer geburiparty vo de daniela und em pedro im hus vo de sonja gha. isch nu mit chline chind gsi, aber isch glich voll luschtig gsi:) wo mir denn am abe heicho sind, hemer gfunde mir choentid doch am naechste tag an strand fahre;) mir hend denn unseri eltere gfraget ob mir dafid und si hend das voll locker gna und so simer am nechste morge am 5i uf und vo da uf cuenca und denn uf guayaquil. vo ded uf santa lena und denn uf montanita. dasch de hinterletscht hippieort und es isch eifach zuu geil:D de ort bestaht nur us hotels und baars und jede tag isch party bis am morge frueh agseit:D mir sind denn ded vo mentig abe bis dunschtig morge gsi. am dunschtig hemer denn kei geld meh gha und hend drum ned wuerkli gwuesst wie mir hei choemid:D mir hend denn autostopp gmacht und sind denn mit so es paar junge bis uf santa lena cho. die hend au na grad en surfer names emilio mitgna gha und so hemer mit dem na chli gred. denn in santa lena het uns eine mitgna wo scho di halb welt gseh het und urspruenglich us duetschland isch und sit 25 jahr in el salvador lebt:) er het und denn bis uf guayaquil mitgna und ded het uns de emili s-billet fuer bis an terminal zahlt. ja ded hemer denn gseit es muemer was mache zum chli geld verdiene:D denn hemer e4s blatt fuere gna und druf gschriebe dass mir kei geld meh hend zum heigah, bitte hilfid uns!!:D ja und so hemer recht kohle gmacht, bis uns eine gfragt het wieviel geld mir scho hend. (mir hends nani zaehlt gha aber mir hend gwuesst, dass mir sicher 6 dollar fuer eis billet hend) so hemer gseit mir heigid s-geld fuer eis billet und denn het er uns eifach so 12 dollar gae, damit mir na 2 witeri billet choend kaufe. denn simer mit em reschtliche geld ga esse und mir sind ueber s-esse hergfalle wie wildi tier, denn nach dere nerveufriebende sach simer zimli hungrig gsi:D ja und so simer denn uf cuenca und vo ded hemer es taxi heigna:) voll di cuule ferie gsiii:) ja und leider funktionierts irgendwie grad ned mit blogger zum d-foeteli hochlade... aber ich versuechs denn morn namal